חסידיש-ישיביש-ארטהאדאקס-מאדערן ארטהאדאקס

איך האב מיר אלץ געוואונדערט וואס איז די נפק"מ צווישן די אלע.
חסידיש, מאדערן חסידיש, ישיביש, ארטהאדאקס, מאדערן ארטהאדאקס.

אין אמתן חסידיש ווייס מיר דאך, ברויך מען נישט מאריך זיין.
און ליידער די קרענק פון מאדערן חסידיש ווייסן מיר אויך, כדוגמת תושבי עירמאנט. אבער זיי זענען נישט קיין אפיציעלע אידילאגיע, ענדערש חסידישע נושרים וואס האלטן ערגעץ אינמיטן די גליטש. און וועלן אדער צוריקקומען איין טאג, אדער ווייטער גליטשן, אדער לאנדן אין איינע פון די אויבנדערמאנטע קאטאגאריעס. און אפילו זיי וועלן בלייבן ערגעץ אינדערצווישן עד יום מותם וועלן זייערע קינדער גיין אדער ארויף אדער אראפ אדער אריינפאלן אין איינע פון די א.ד. קאטגאריעס, אין אנדערע ווערטער, ס'איז נישט קיין געהעריגע אידילאגיע, עס איז א פראצעס. (חוץ אויב מרעכנט "מי יאמר לי מה לעשות" פאר א אידילאגיע).

אבער וואס איז די נפק"מ צווישן ישיביש - ארטהאדאקס - און מאדערן ארטהאדאקס?

מאדערן ארטהאדאקס איז נישט בלויז ארטהאדאקס נושרים, עס איז א אידילאגיע, כדוגמת ישיבה יוניווערסיטי, זייער חוזה איז מן הסתם געווען זשעי. בי. סאלאווייטשיק.

אבער וואס גענוי איז זייער שיטה?

ווער איז היינט די פארזעצער פון רש"ר הירש ז"ל ? די ארטהאדאקס אדער די מאדערן ארטהאדאקס?

ווי שטייט איין די זשואיש פרעס?
זאב ברענער?
ווער זענען די ארטהאדאקס גדולים? נוצן זיי די ישיבישע?
וויאזוי זענען די ישיבישע אנדערש פון ארטהאדאקס?
האבן מאדערן ארטהאדאקס אזא באגריף ווי גדולים?
ווי שטייט איין די OU?

איבעריג צו זאגן אז פון רעפארם, קאנסערוואטיוו און ריקאנסטרוקשניסט איז נישטא וואס צו רעדן, זיי זענען נישט בכלל ישראל.

שמע בני:

1) ארטאדאקס מיינט א איד וואס בייגט זיך צום שלחן ערוך.

2) מאדערן ארטאדאקס מיינט איינער וואס בייגט דעם שלחן ערוך צו זיך.

און אנדער ווערטער, זיי זענען אזוי ווי די מזרחי, נאר אן די נאציאנאליסטישע אנשויאונגען. עס איז דא א קראנטע הגדרה אויף זיי (מען זאגט עס נאך בשם כמה גדולי ישראל) "מיר האבן 613 מצות און די מזרחי האט 613 פראבלעמען".
זייער קולע אל השערה, ודו"ק.

זשעי בי איז געווען זייער מורה דרך.

3) רעפארם איז בכלל נישט געבינדן צום שלחן ערוך.

4) בנוגע די פארזעצער פון רש"ר הירש:

אפשר זאגט איר ווער איז דער פארזעצער פונ'ם בעש"ט ברסלב, ליובאוויטש, אדער די עירמאנטער קהלה?

רש"ר הירש'ס קהלה אזי זיכער געווען אן ארטאדאקסישע לויט אונזערע באגריפן, אבער עס האלט נאך קיינעם נישט אפ פון זיך פארופן נאך אים אפילו אויב ער איז א פושע ישראל.

5) ס'רוב ריכטיג ארטאדאקסישע אידן, זענען במשך די לעצטע פופציג יאר אריינגעפאלן אין איינע פון די אנדערע קאטעגאריעס, דהיינו אדער חסיד'יש, אדער ישיביש, זיין 'פלעין' א איד איז שוין היינט נישט אין סטייל. מיינסטנס אידן וואס באלאנגען נישט צו דעם חסיד'ישן אדער ישיבי'שן לאגער, זענען נישט קיין ריכטיג ארטאדאקסישע אידן, און ביי זיי עקזיסטירט בכלל נישט דער באגריף 'גדולי ישראל', ער האט זיך זיין ראביי, וואס זאגט אים אלעס וואס ער האט צו טוהן מצאת החמה ועד צאת הנשמה, הלכה, השקפה, דיעות איבער די אמעריקאנע פאליטיק, וכו' וכו'.

איך ווייס אז די חברה פון ישיבה יוניווערסיטי האבן אויסגעקריצט אויף זייער פאן "תורה ומדע" דאס איז געווען רש"ר ז"ל לאזונג.
איך מיין אז זיי האלטן יא אז זיי זענען דוגל בשיטתו (קענסט מחולק זיין מיט זיי)
[בילד: [Image: blue_black%20shield.jpg]]